ନନ୍ଦନକାନନ ଟିକେଟ୍ ବୁକିଂ ହେଲା ଆହୁରି ସହଜ

ବାରଙ୍ଗ: ଆଉ ଠିଆ ହେବେନି ଲମ୍ବା ଧାଡ଼ିରେ କି ଘଣ୍ଟା ଘଣ୍ଟା ସମୟ ଧରି କରିବେନି ଅପେକ୍ଷା । ନନ୍ଦନକାନନ ବୁଲିବା ହେଲା ଆହୁରି ସହଜ। ଦେଶରେ ପ୍ରଥମ କରି ନନ୍ଦନକାନନ ପକ୍ଷରୁ ଜାରି ହେଲା ହ୍ଵାଟସ ଆପ୍ ନମ୍ବର । କେବଳ hi ମେସେଜ କଲେ ହେବ ଟିକେଟ ବୁକ୍ ।

ଘରେ ଥାନ୍ତୁ କି ବାହାରେ ଏଥର ଯେତେବେଳେ ଚାହିଁବେ ସେତେବେଳେ ବୁଲି ପାରିବେ ନନ୍ଦନକାନନ । ଆଉ ଠିଆ ହେବାକୁ ପଡ଼ିବନି ଧାଡ଼ିରେ । ଦେଶରେ ଥିବା ସମସ୍ତ ଚିଡ଼ିଆଖାନା ମଧ୍ୟରୁ ପ୍ରଥମ କରି ପ୍ରାଣୀ ଉଦ୍ୟାନ ନନ୍ଦନକାନନ ଆରମ୍ଭ କରିଛି ହ୍ୱାଟସ ଆପ୍ ମାଧ୍ୟମରେ ଅନଲାଇନ୍ ଟିକେଟ ବୁକିଂ ସୁବିଧା । ୭୬୭୧୮୪୪୮୫୬ ନମ୍ବର ରେ hi ମେସେଜ କିମ୍ବା qr କୋଡ ସ୍କାନ କରି ଟିକେଟ ବୁକିଂ ହେଲା ସହଜ।

ବିଭିନ୍ନ ସୋସିଆଲ ମିଡ଼ିଆ ପ୍ଲାଟଫର୍ମରେ ତିନୋଟି ଭାଷା ଯଥା ଓଡ଼ିଆ,ହିନ୍ଦୀ ଏବଂ ଇଂରାଜୀ ଭାଷାରେ ଟିକେଟ ବୁକ୍ କରିବା ପାଇବେ ପର୍ୟ୍ୟଟକ। ପ୍ରାଣୀ ଉଦ୍ୟାନ ନନ୍ଦନକାନନ ଦ୍ଵାରା ଜାରି ହୋଇଥିବା ନମ୍ବର କୁ ଆପଣେଇଛନ୍ତି ରାଜଧାନୀବାସୀ ।