ଜ୍ଞାନଵାପି ମାମଲା: ମୁସଲିମ ପକ୍ଷର ସମସ୍ତ ଆବେଦନ ଖାରଜ
ନୂଆଦିଲ୍ଲୀ: ଉତ୍ତରପ୍ରଦେଶର ବାରାଣାସୀରେ ଅବସ୍ଥିତ କାଶୀ ବିଶ୍ୱନାଥ-ଜ୍ଞାନଵାପି ଜମି ମାଲିକାନା ବିବାଦ ମାମଲାରେ ଆହ୍ଲାବାଦ ହାଇକୋର୍ଟ ମଙ୍ଗଳବାର ବଡ଼ ରାୟ ଦେଇଛନ୍ତି। ବିଚାରପତି ରୋହିତ ରଂଜନ ଅଗ୍ରୱାଲଙ୍କ ଖଣ୍ଡପୀଠ ମାଲିକାନା ବିବାଦ ମାମଲାକୁ ଚ୍ୟାଲେଞ୍ଜ କରି ଅଞ୍ଜୁମାନ ଇଣ୍ଟେଜାମିଆ ମସଜିଦ କମିଟି ଦାଖଲ କରିଥିବା ଆବେଦନକୁ ଖାରଜ କରିଛନ୍ତି। କୋର୍ଟ କହିଛନ୍ତି, ‘ଏହି ମାମଲା ଦେଶର ଦୁଇଟି ପ୍ରମୁଖ ସମ୍ପ୍ରଦାୟକୁ ପ୍ରଭାବିତ କରୁଛି। ଆଗାମୀ ୬ ମାସ ମଧ୍ୟରେ ଶୀଘ୍ର ମାମଲା ସମାଧାନ କରିବାକୁ ଆମେ ଟ୍ରାଏଲ କୋର୍ଟକୁ ନିର୍ଦ୍ଦେଶ ଦେଉଛୁ।
ଆହ୍ଲାବାଦ ହାଇକୋର୍ଟ ଏହା ମଧ୍ୟ କହିଛନ୍ତି ଯେ ଗୋଟିଏ ମାମଲାରେ କରାଯାଇଥିବା ଏଏସଆଇ ସର୍ଭେ ଅନ୍ୟ ମକଦ୍ଦମା ଦାୟର କରାଯିବ ଏବଂ ଯଦି ଟ୍ରାଏଲ କୋର୍ଟ ଅନୁଭବ କରନ୍ତି ଯେ କୌଣସି ଅଂଶର ସର୍ଭେ ଆବଶ୍ୟକ, ତେବେ କୋର୍ଟ ଏହି ସର୍ଭେ କରିବାକୁ ଏଏସଆଇକୁ ନିର୍ଦ୍ଦେଶ ଦେଇ ପାରିବେ।
