ବିପୁଳ ପରିମାଣର ବାଣ ଜବତ
ଖୋର୍ଦ୍ଧା : ବେଆଇନ୍ ବାଣ ଗୋଦାମରେ ଚଢାଉ । ଖୋର୍ଦ୍ଧା ଜିଲ୍ଲା ବେଗୁନିଆ କଣ୍ଟାବାଡ଼ ଗାଁରେ ଚଢାଉ କରିଛି ପୋଲିସ । ଏହି ଚଢାଉରେ ବିପୁଳ ପରିମାଣର ବାଣ ଜବତ କରିଛି ପୋଲିସ ।
ଖବର ଅନୁଯାୟୀ, ଆଗକୁ ଆସୁଛି ଆଲୋକର ପର୍ବ ଦୀପାବଳୀ । ଏନେଇ ବିଭିନ୍ନ ସ୍ଥାନରେ ବାଣ ମଧ୍ୟ ବିକ୍ରି ଚାଲିଲାଣି । ତେବେ ଏହି କ୍ରମରେ ଖୋର୍ଦ୍ଧା ଜିଲ୍ଲା ବେଗୁନିଆ କଣ୍ଟାବାଡ଼ ଗାଁରେ ବିପୁଳ ପରିମାଣରେ ବାଣ ଗଚ୍ଛିତ ଥିବା ସୂଚନା ପାଇଥିଲା ପୋଲିସ । ଏହାପରେ ବେଗୁନିଆ ଟିମ୍ ଉକ୍ତ ଗାଁରେ ଚଢାଉ କରିଥିଲା । ଆଉ ଏହି ଚଢାଉରେ ବିପୁଳ ପରିମାଣର ବାଣ ଜବତ କରିଛି ବେଗୁନିଆ ପୋଲିସ । ବର୍ତ୍ତମାନ ସୁଦ୍ଧା ଘଟଣାରେ କେତେ ଜଣଙ୍କୁ ପୋଲିସ ଗିରଫ କରିଛି । ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ ।
