ପୋଲିସ ହେପାଜତରୁ ଅଭିଯୁକ୍ତ ଚମ୍ପଟ୍
ଦେବଗଡ଼ : ପୋଲିସ ହେପାଜତରୁ ଅଭିଯୁକ୍ତ ଚମ୍ପଟ । ନାବାଳିକ ଅପହରଣ ଅଭିଯୁକ୍ତଙ୍କ ଚମ୍ପଟ ମାରିଛି । ଦେବଗଡ଼ ସବ୍ ଜେଲ୍ ସମ୍ମୁଖରୁ ଅଭିଯୁକ୍ତ କୁଣ୍ଢେଇଗୋଳା ଥାନା ଆଉଁଳୀ ଗାଁର ସୁମନ ବେହେରା ଫେରାର ହୋଇଛି ।
ନାବାଳିକା ଅପହରଣ ମାମଲାରେ କୁଣ୍ଢେଇଗୋଳା ଥାନା ଆଉଁଳୀ ଗାଁର ସୁମନ ବେହେରାକୁ ଗିରଫ କରିଥିଲା ପୋଲିସ । ଏହାପରେ କୋର୍ଟରେ ହାଜର ଲାଗି ନେଇଥିଲା ପୋଲିସ । ସେଠାରେ ଜାମିନ ନାମଞ୍ଜୁର ହେବାରୁ ପୁଣି ଜେଲ୍କୁ ନେଉଥିଲା ପୋଲିସ । ହେଲେ ସବ୍ ଜେଲ୍ ସମ୍ମୁଖରୁ ସୁଯୋଗ ଦେଖି ଚମ୍ପଟ ମାରିଥିଲା ଅଭିଯୁକ୍ତ ସୁମନ ବେହେରା । ଅଭିଯୁକ୍ତ ଫେରାର ହେବା ନେଇ ଦେବଗଡ଼ ଆଦର୍ଶ ଥାନାରେ ଅଭିଯୋଗ ହୋଇଛି । ପୋଲିସ ବିଭିନ୍ନ ସ୍ଥାନରେ ମଧ୍ୟ ଚଢାଉ ଜାରି ରଖିଛି ।
