ବଢ଼ିଲା ସୁନା ଦର
ନୂଆଦିଲ୍ଲୀ: ବଢ଼ିଲା ସୁନା ଦର । ସପ୍ତାହକ ଭିତରେ ୨୪ କ୍ୟାରେଟ୍ ଓ ୨୨ କ୍ୟାରେଟ୍ ସୁନା ଦର ୮ ପ୍ରତିଶତ ବୃଦ୍ଧି ପାଇଛି । ଏବେ ୨୪ କ୍ୟାରେଟ୍ ସୁନା ମୂଲ୍ୟ ୧୦ ଗ୍ରାମ୍ ପିଛା ୬୧ ହଜାର ଟଙ୍କାରୁ ୬୫ ହଜାର ଟଙ୍କା । ସେହିପରି ୨୨ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ୫୬ ହଜାର ଟଙ୍କାରୁ ୫୮ ହଜାର ଟଙ୍କାରେ ବିକ୍ରି ହେଉଛି । ୨୦୨୪ରେ ସୁନାଦର ୧୦ ଗ୍ରାମ ୭୦ ହଜାର ଟଙ୍କା ଛୁଇଁବ ବୋଲି ପୂର୍ବରୁ ଆକଳନ ହୋଇଥିଲା । ଭାରତ ବିଦେଶରୁ ସୁନା ଆମଦାନୀ କରୁଥିବାରୁ ସୁନା ଦର ଅନ୍ତରାଷ୍ଟ୍ରୀୟ ବଜାର ଉପରେ ନିର୍ଭର କରିଥାଏ । ଋଷ-ୟୁକ୍ରେନ୍ ଯୁଦ୍ଧ ଓ ଇସ୍ରାଏଲ-ହମାସ୍ ଲଢେଇ ଯୋଗୁ ବିଶ୍ବରେ ଏକ ପ୍ରକାର ମାନ୍ଦାବସ୍ଥା ସୃଷ୍ଟି ହୋଇଛି । ଏହାର ପ୍ରଭାବ ସୁନା କାରବାର ଉପରେ ପଡ଼ିଛି ।
