ନାଲି ଅଙ୍ଗୁର ଖାଇବା ଲାଭଦାୟକ
ଅଙ୍ଗୁର ସ୍ୱାଦରେ ମିଠା ଓ ଖଟା ହୋଇଥାଏ । ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ । ସବୁଜ ଏବଂ କଳା ଅଙ୍ଗୁର ବ୍ୟତୀତ ଆପଣ ନାଲି ଅଙ୍ଗୁର ମଧ୍ୟ ଖାଇଥିବେ। ଲାଲ୍ ଅଙ୍ଗୁର ଭାରତରେ କମ୍ ଉପଲବ୍ଧ । କିନ୍ତୁ ଏହି ବିଦେଶୀ ଫଳକୁ ଦେଶରେ ବହୁ ପରିମାଣରେ ଖିଆଯାଏ ଏବଂ ଏଥିରୁ ରେଡ୍ ୱାଇନ୍ ମଧ୍ୟ ପ୍ରସ୍ତୁତ କରାଯାଏ।
୧. ନାଲି ଅଙ୍ଗୁର ଖାଇବା ଦ୍ୱାରା ହୃଦୟ ସୁସ୍ଥ ରହିଥାଏ। ଏଥିରେ ମିଳୁଥିବା ଫ୍ଲାଭୋନାଏଡ ଏବଂ ପଲିଫେନୋଲ ନାମକ ଆଣ୍ଟିଅକ୍ସିଡାଣ୍ଟ ହୃଦୟ ଧମନୀକୁ ରକ୍ଷା କରିଥାଏ । ନାଲି ଅଙ୍ଗୁର ନିୟମିତ ଖାଇବା ଦ୍ୱାରା ହୃଦୟ ସମ୍ବନ୍ଧୀୟ ରୋଗ ହେବାର ଆଶଙ୍କା ମଧ୍ୟ କମିଯାଏ।
୨. ନାଲି ଅଙ୍ଗୁର ଖାଇବା ଦ୍ୱାରା ଓଜନ ବୃଦ୍ଧି ମଧ୍ୟ ନିୟନ୍ତ୍ରଣରେ ରହିଥାଏ । ନାଲି ଅଙ୍ଗୁରରେ ଆଣ୍ଟି-ଅକ୍ସିଡାଣ୍ଟ ଥାଏ ଯାହା ଓଜନ ହ୍ରାସ କରିବାରେ ସାହାଯ୍ୟ କରିଥାଏ। ତେଣୁ ଆପଣଙ୍କ ଦୈନନ୍ଦିନ ଖାଦ୍ୟରେ ନାଲି ଅଙ୍ଗୁର ଅନ୍ତର୍ଭୁକ୍ତ କରି ଓଜନକୁ ନିୟନ୍ତ୍ରଣ କରିପାରିବ।
୩. ନାଲି ଅଙ୍ଗୁରରେ ମିଳୁଥିବା ପଲିଫେନୋଲିକ୍ ଏନଜାଇମ୍ ପରି ଫ୍ଲାଭୋନାଏଡ୍ ଏବଂ ରିସଭେରାଟ୍ରୋଲ୍ ଅକ୍ସିଡେଟିଭ୍ ଚାପ ହ୍ରାସ କରିବାରେ ସାହାଯ୍ୟ କରେ। ଏହା ଦ୍ୱାରା ମସ୍ତିଷ୍କ ସଠିକ୍ ଭାବରେ କାର୍ଯ୍ୟ କରେ ଏବଂ ଅଲଜାଇମର ସମସ୍ୟା ହେବାର ଆଶଙ୍କା କମିଯାଏ।
୪. ନାଲି ଅଙ୍ଗୁରରେ ମିଳୁଥିବା କ୍ୟାଲସିୟମ୍ ହାଡକୁ ମଜବୁତ କରିବା ପାଇଁ ଅତ୍ୟନ୍ତ ପ୍ରଭାବଶାଳୀ। ନାଲି ଅଙ୍ଗୁର ବିଶେଷତଃ ବଢୁଥିବା ପିଲାମାନଙ୍କ ପାଇଁ ଅତ୍ୟନ୍ତ ଲାଭଦାୟକ। ଏଥିରେ ମିଳୁଥିବା ଏନଜାଇମ୍ ରିଜଭାଟ୍ରୋଲରେ ଅଷ୍ଟିଓଜେନିକ୍ ଗୁଣ ଅଛି, ଯାହା ହାଡର ସଠିକ୍ ବିକାଶରେ ସାହାଯ୍ୟ କରେ।
