ଦୃଢ଼ ମନୋବଳ ଯୋଗୁଁ ୨ ପିଲା ବଞ୍ଚାଇ ଦେଲେ ୧୧ ଜଣଙ୍କ ଜୀବନ

ରାୟଗଡା: ଏହା ହେଉଛି ରାୟଗଡା ଜିଲ୍ଲା କାଶୀପୁର ବ୍ଲକ କାହ୍ନୁଗୁଡା ଗାଁର ଘଟଣା । ଗତ ୨୭ ତାରିଖରେ କାହ୍ନୁଗୁଡା ନଈ କଡରେ ଗାଈ ଚରାଇବାକୁ ଆସିଥିଲେ ଦୁଇଜଣ ଗାଈଆଳ ପିଲା । ପଦୀପ ମାଝୀ ଓ ନାବି ମାଝୀ । ହଠାତ କିଛି ମହିଳାଙ୍କରା ବିକଳ ଚିତ୍କାର ଶୁଣି ନଦୀ ଆଡକୁ ଧାଇଲେ ଦୁଇଜଣ । ଘୁ ଘୁ ଗର୍ଜନ କରି ବୋହୁଛଇ ନଦୀ ଓ ସେଥିରେ ଭାସୁଛନ୍ତି ୧୦ ମହିଳା । ବିକଳରେ ଚିତ୍କାର କରୁଛନ୍ତି । ତୁରନ୍ତ ନଈକୁ ଡେଇଁ ପଡି ସମସ୍ତ ମହିଳାମାନଙ୍କୁ ଉଦ୍ଧାର କରି କୂଳକୁ ଟାଣି ଆଣିଲେ ଦୁଇଜଣ ପିଲା । ଏହି ମହିଳାମାନେ ପ୍ରକୃତରେ ଗ୍ରାମର ବିଦ୍ୟାଳୟରେ ଅବିଭାବକ ମାନଙ୍କର ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଇଥିଲେ । ଏଡି କାର୍ଯ୍ୟକ୍ରମରୁ ଜଣେ ଛୋଟ ପିଲାକୁ ଧରି ନଦୀ ପାର ହୋଇ ଘରକୁ ଫେରୁଥିଲେ । ହଠାତ୍‌ ନଦୀରେ ମାଡି ଆସିଥିଲା ପାଣି । ୧୦ ଜଣ ମହିଳା ସହ ଛୋଟ ପିଲାଟି ନଦୀର ପ୍ରବଳ  ସୁଅରେ ଭାସିବା ଆରମ୍ଭ କରିଥିଲେ । ତା ସହିତ ଜୀବନ ବିକଳରେ ଚିତ୍କାର କରିବାକୁ ଲାଗିଲେ । ଏହି ସମୟରେ ପ୍ରଦୀପ  ଓ ନାବି ଦେବଦୂତ ସାଜି ବଞ୍ଚାଇ ଦେଲେ ଏତେ ଜୀବନ । ସେମାନଙ୍କର ଏପରି କାମକୁ ସମସ୍ତେ ପ୍ରଶଂସା କରୁଛନ୍ତି ।