ବଜ୍ରକାପ୍ତା ସହ ୨ ଗିରଫ

ନୂଆପଡା: ଡିଲ୍ ବେଳେ ମାଡି ବସିଲା ବନ ବିଭାଗ । ଜୀବନ୍ତ ବଜ୍ରକାପ୍ତା ଉଦ୍ଧାର ସହ ଦୁଇ ଜଣଙ୍କୁ ଗିରଫ କରାଯାଇଛି । ଅନ୍ୟ ଦୁଇ ଜଣ ଫେରାର ହୋଇଯାଇଛନ୍ତି । ଏ ନେଇ ଇଉୠ ଶାଳିହା ଖାନ୍ ସୂଚନା ଦେଇଛନ୍ତି ।

ସୂଚନାଯୋଗ୍ୟ ଯେ, ନୂଆପଡା ଜିଲ୍ଲା ସିନାପାଲି ରେଞ୍ଜ ଛତିଶଗଡ ସୀମାନ୍ତବର୍ତ୍ତୀ ଅଭୟାରଣ୍ୟ ଭିତରେ ଥିବା ନଙ୍ଗଲବଡ଼ ଗାଁ ଅଞ୍ଚଳରେ ଚାଲିଥିଲା ଡିଲ୍ । କୌଣସି ସୂତ୍ରରୁ ଖବର ପାଇଁ ସିନାପାଲି ରେଞ୍ଜର ମୁରାରୀ ପଣ୍ଡାଙ୍କ ନେତୃତ୍ୱରେ ଚଢ଼ାଉ ହୋଇଥିଲା । ଚଢାଉ ବେଳେ ତାର ଗୁଡା ଯାଇଥିବା ଗୋଟିଏ ଅସୁସ୍ଥ ବଜ୍ରକାପ୍ତା ସହ ଅଢେଇ କେଜିରୁ ଉର୍ଦ୍ଧ୍ବ ଓଜନର ବଜ୍ରକାପ୍ତା କାତି ଜବତ କରିଥିଲା ବନ ବିଭାଗ । ଏହା ସହ ଦୁଇ ଜଣଙ୍କୁ ଗିରଫ କରାଯାଇଛି । ଅନ୍ୟ ଦୁଇ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଛନ୍ତି ।