ଦମ ଅଛି ତ ବବି ଦାସ ଓ ମୋ ସହ ଲାଗ: ଦେବାଶିଷ

ଭୁବନେଶ୍ୱର: ‘୫-ଟି ସଚିବ ଭି.କେ ପାଣ୍ଡିଆନ ସହ କାହିଁକି ଲାଗୁଛ । ଦମ ଅଛି ତ ଆମ ସହ ଲାଗ । ଦମ ଅଛି ତ ଦେବାଶିଷ ସାମନ୍ତରାୟ ଓ ବବି ଦାସ ସହ ଲାଗ ।’ ବରିଷ୍ଠ ବିଜେଡି ନେତା ଦେବାଶିଷ ସାମନ୍ତରାୟ ବିରୋଧୀଙ୍କୁ ଏଭଳି ଖୋଲା ଚ୍ୟାଲେଞ୍ଜ ଦେଇଛନ୍ତି । 

ସେ କହିଛନ୍ତି ଯେ ରାଜ୍ୟରେ ସଚିବ ବଦଳରେ ସବୁବେଳେ ମନ୍ତ୍ରୀ ହିଁ ବଡ଼ । ବିରୋଧୀ ଦଳ ଯେଉଁ ଅଭିଯୋଗ କରୁଛନ୍ତି, ତାର ସତ୍ୟତା ନାହିଁ ।  ବିରୋଧୀ ଦଳମାନେ ସଚିବଙ୍କୁ ବଡ଼ କହିବା ଗଣତନ୍ତ୍ର ପ୍ରତି ଅପମାନ ।  ଶାସନର ମୁଖ୍ୟ ହିସାବରେ ମୁଖ୍ୟମନ୍ତ୍ରୀ ହିଁ ସବୁ ନିଷ୍ପତ୍ତି ନେଉଛନ୍ତି ।  ମୁଖ୍ୟମନ୍ତ୍ରୀ ଯାହା ନିଦେ୍ର୍ଧଶ ଦେଉଛନ୍ତି ୫-ଟି ସଚିବ ତାକୁ ପାଳନ କରୁଛନ୍ତି ବୋଲି ଶ୍ରୀ ସାମନ୍ତରାୟ କହିଛନ୍ତି ।

ତେବେ କଥା ଛଳରେ ସେ ବିରୋଧୀ ଦଳଙ୍କୁ ଚ୍ୟାଲେଞ୍ଜ ଦେଇଛନ୍ତି ।  ୫-ଟି ସଚବିଙ୍କ ପଛରେ କାହିଁକି ଲାଗିଛନ୍ତି, ଦମ ଅଛିତ ଆମ ସହ ଲାଗନ୍ତୁ । ଦମ ଅଛି ତ ବିରୋଧଳ ଦଳ ଦେବାଶିଷ ସାମନ୍ତରାୟ ଓ ବବି ଦାସ ସହ ଲାଗନ୍ତୁ  ବୋଲି ଶ୍ରୀ ସାମନ୍ତରାୟ କହିଛନ୍ତି । 

ପ୍ରକାଶ ଯେ ୫-ଟି ସଚିବ ଭି.କେ ପାଣ୍ଡିଆନ ବିଭିନ୍ନ ଜିଲ୍ଲା ଗସ୍ତ କରି ବିକାଶମୂଳକ କାର୍ଯ୍ୟକ୍ରମର ସମୀକ୍ଷା କରିବାା ସହ ଲୋକଙ୍କ ସମସ୍ୟା ସମ୍ପର୍କିତ ଅଭିଯୋଗପତ୍ର ଗ୍ରହଣ କରୁଛନ୍ତି । ଯାହାକୁ ବିରୋଧୀ ଦଳ ପକ୍ଷରୁ ଟାର୍ଗେଟ କରାଯାଉଛି । ମନ୍ତ୍ରୀ ଓ ବିଧାୟକମାନେ ଘରେ ବସୁଥିବାବେଳେ କୋଟି କୋଟି ଟଙ୍କା ଖର୍ଚ୍ଚ କରି ଜଣେ ସଚିବ ଜିଲ୍ଲାଗସ୍ତ କରୁଥିବା ବିରୋଧୀଙ୍କ ପକ୍ଷରୁ କୁହାଯାଉଛି ।