ସୁରକ୍ଷାକର୍ମୀଙ୍କ ଗୁଳିରେ ୩ ମାଓବାଦୀ ନିହତ

ମାଲକାନଗିରି : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ରେ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳିବିନିମୟ ହୋଇଛି । ମିଳିଥିବା ସୂଚନା ଅନୁଯାୟୀ ଦାନ୍ତେୱାଡ଼ା ଜିଲ୍ଲାର ଡାବୁକୁନା ଅଞ୍ଚଳରେ ଡିଆରଜି ଯବାନମାନେ ସର୍ଚ୍ଚ ଅପରେସନରୁ ଫେରୁଥିବା ବେଳେ ଜଙ୍ଗଲ ମଧ୍ୟରେ ଲୁଚି ରହିଥିବା ମାଓବାଦୀ ମାନେ ଯବାନଙ୍କ ଉପରକୁ ଗୁଳି ଚଳାଇ ଥିଲେ । ତେବେ ଯବାନ ମାନେ ମଧ୍ୟ ପାଲଟା ଜବାବ ଦେଇ ଗୁଳି ଚଳାଇଥିବା ବେଳେ ଉଭୟ ପାର୍ଶ୍ୱ ମଧ୍ୟରେ ଗୁଳିବିନିମୟ ହୋଇଥିଲା । ଦୀର୍ଘ ସମୟ ଧରି ଗୁଳିବିନିମୟ ପରେ ମାଓବାଦୀ ମାନେ ଲୁଚି ପଳାଇଥିବା ବେଳେ ବର୍ତ୍ତମାନ ସର୍ଚ୍ଚ ଅପରେସନ ଜାରି ରହିଛି । ଏହି ଗୁଳିବିନିମୟ ରେ ୩ଜଣ ମାଓବାଦୀଙ୍କ ମୃତ୍ୟ ହୋଇଥିବା ନେଇ ସୂଚନା ମିଳିଛି ।

ସୁକୁମା-ଦାନ୍ତେୱାଡ଼ା ଜିଲ୍ଲାର ସୀମାର କଟେକଲ୍ୟାଣ ଥାନା ଅଧୀନ ଡାବୁକୁନା ଜଙ୍ଗଲରେ ଏହି ଗୁଳିବିନିମୟ ହୋଇଛି। ସୁରକ୍ଷାକର୍ମୀମାନେ ଘଟଣାସ୍ଥଳରୁ ୩ ଜଣ ମାଓବାଦୀଙ୍କ ମୃତଦେହ ଜବତ କରିଛନ୍ତି। ସେହିପରି ବିପୁଳ ପରିମାଣରେ ମାଓ ସାମଗ୍ରୀ ଓ ଗୁଳି ବନ୍ଧୁକ ଜବତ ହୋଇଛି।