ମୋଦୀଙ୍କ ଗ୍ୟାରେଣ୍ଟି ହେଉଛି ବେକାରୀର ଗ୍ୟାରେଣ୍ଟି : ପ୍ରିୟଙ୍କା
ନୂଆଦିଲ୍ଲୀ: ନିର୍ବାଚନରେ ପ୍ରଧାନମନ୍ତ୍ରୀ ଗ୍ୟାରେଣ୍ଟି ଦିଅନ୍ତି। ମୋଦୀଙ୍କ ଗ୍ୟାରେଣ୍ଟି ହେଉଛି ବେକାରୀର ଗ୍ୟାରେଣ୍ଟି । ପରିସଂଖ୍ୟାନ ଅନୁଯାୟୀ ଦେଶରେ ପ୍ରାୟ ୩୦ ଲକ୍ଷ ସରକାରୀ ପଦବୀ ଖାଲି ଅଛି। ଆମର କୋଟି କୋଟି ଯୁବକ ଚାକିରୀକୁ ଅପେକ୍ଷା କରିଛନ୍ତି, କିନ୍ତୁ ଗତ ୧୦ ବର୍ଷ ମଧ୍ୟରେ ବିଜେପି ସରକାର ଏହି ପଦବୀ ପୂରଣ ପାଇଁ କେବଳ କହିବା ବ୍ୟତୀତ ଆଉ କିଛି କରିନାହାଁନ୍ତି ବୋଲି କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଭଦ୍ର କହିଛନ୍ତି।
ସେ କହିଛନ୍ତି, ୨୦୨୨ ଜୁଲାଇରେ ସରକାର ସଂସଦକୁ ସୂଚନା ଦେଇଥିଲେ ଯେ ୮ ବର୍ଷରେ ୨୨ କୋଟି ଯୁବକ ଚାକିରି ପାଇଁ ଆବେଦନ କରିଥିଲେ କିନ୍ତୁ କେବଳ ୭ ଲକ୍ଷ ଯୁବକ ଚାକିରି ପାଇଥିଲେ। ଏହାର ଅର୍ଥ ହେଉଛି ପ୍ରାୟ ୨୧.୯୩ କୋଟି ଯୋଗ୍ୟ ଯୁବକ ବେକାର ରହିଛନ୍ତି। ବାର୍ଷିକ ୨ କୋଟି ଚାକିରିର ପ୍ରତିଶୃତି ଦେଇଥିବା ବିଜେପି ସରକାର ଚାକିରି ଯୋଗାଇ ପାରିନାହିଁ କି ନୂଆ ଚାକିରି ସୃଷ୍ଟି କରିପାରି ନାହିଁ ବୋଲି ସେ କହିଛନ୍ତି। ପ୍ରିୟଙ୍କା କହିଛନ୍ତି, ନିର୍ବାଚନରେ ପ୍ରଧାନମନ୍ତ୍ରୀ ଗ୍ୟାରେଣ୍ଟି ଦିଅନ୍ତି। ମୋଦୀଙ୍କ ଗ୍ୟାରେଣ୍ଟି ହେଉଛି ବେକାରୀର ଗ୍ୟାରେଣ୍ଟି।
