ନାମଲେଖାରେ ଆସିବ ଏକ ବଡ଼ ପରିବର୍ତ୍ତନ, ଜାଣନ୍ତୁ କ’ଣ
ଭୁବନେଶ୍ବର: ଏଣିକି ଉଚ୍ଚ ଶିକ୍ଷାନୁଷ୍ଠାନ ଓ ବୈଷୟିକ ଶିକ୍ଷାନୁଷ୍ଠାନ ଛାତ୍ରଛାତ୍ରୀମାନେ ନାମ ଲେଖାଇବା ସମୟରେ ‘ଆଣ୍ଟି ଡ୍ରଗ ଡିକ୍ଲାରେସନ’ ଦାଖଲ କରିବେ। ଉଚ୍ଚ ଶିକ୍ଷା ଏବଂ ସାମାଜିକ ନ୍ୟାୟ ଓ ସଶକ୍ତି କରଣ ମନ୍ତ୍ରଣାଳୟ ବିଭାଗ ପକ୍ଷରୁ ଏହି ଭଳି ନିଷ୍ପତି ନିଆଯାଇଛି। ନିଶା ମୁକ୍ତ ଭାରତ ଅଭିଯାନ କ୍ୟାମ୍ପେନକୁ ଅଧିକ ସଫଳ କରିବାକୁ କେନ୍ଦ୍ର ସରକାର ଏହି ନିଷ୍ପତି ନେଇଛନ୍ତି। ଛାତ୍ରଛାତ୍ରୀଙ୍କୁ ନିଶା ବଳୟ ଠାରୁ ଦୂରରେ ରଖିବାକୁ ଏହି ‘ଆଣ୍ଟି ଡ୍ରଗ ଡିକ୍ଲାରେସନ’ ଦାଖଲ ଲାଗି ସବୁ ରାଜ୍ୟ ସରକାରଙ୍କୁ କେନ୍ଦ୍ର ଚିଠି କରିଛି। କେନ୍ଦ୍ରର ନିର୍ଦ୍ଦେଶ ପରେ ରାଜ୍ୟ ସାମାଜିକ ସୁରକ୍ଷା ଓ ଭିନ୍ନ କ୍ଷମ ସଶକ୍ତି କରଣ ସଚିବଙ୍କ ଉଚ୍ଚ ଶିକ୍ଷା, ବୈଷୟିକ ଶିକ୍ଷା ଓ ଗଣ ଶିକ୍ଷା ବିଭାଗକୁ ଚିଠି ହୋଇଛି।
