ଯବାନଙ୍କ ଗଳା କାଟି ହତ୍ୟା କଲେ ମାଓବାଦୀ
ମାଲକାନଗିରି : ପୁଣି ମାଓ ହିଂସା । ମାଲକାନଗିରି –ଛତିଶଗଡ଼ ସୀମାନ୍ତ ବିଜାପୁର ଜିଲ୍ଲାରେ ପୁଣି ମାଓ ହିଂସା ଦେଖିବାକୁ ମିଳିଛି । ସାପ୍ତାହିକ ହାଟକୁ ଯାଇଥିବା ବେଳେ ଜଣେ ସିଏଏଫ୍ ଯବାନଙ୍କୁ ଗଳାକାଟି ହତ୍ୟା କରିଛନ୍ତି ଲାଲ୍ ବାହିନୀ ।
କଟରୁ ଥାନା ଅନ୍ତର୍ଗତ ଦରଭା ଠାରେ ଥିବା ସିଏଏଫର ଚତୁର୍ଥ ବାଟାଲିଆନରେ କାର୍ୟ୍ୟରତ ଥିଲେ ତିଜାଓ ରାମ ଭୁଆର । ସିଏଏଫ ଚତୁର୍ଥ ବାଟାଲିଆନର ତିଜାଓ ରାମ କମ୍ପାନୀ କମାଣ୍ଡର ଥିଲେ । ରବିବାର ସକାଳେ କ୍ୟାମ୍ପ ପାଇଁ ହାଟକୁ ସୌଦା କିଣିବାକୁ ଯାଇଥିଲେ । ଘଟଣା ପରେ ସାପ୍ତାହିକ ହାଟ ବନ୍ଦ ହୋଇଯାଇ ଥିବା ବେଳେ ପୋଲିସ ପକ୍ଷରୁ କୁମ୍ବିଂ ଅପରେସନ ଆରମ୍ଭ ହୋଇଥିବା ନେଇ ସୂଚନା ଦେଇଛନ୍ତି ବିଜାପୁର ଏସପି ଜିତେନ୍ଦ୍ର ଯାଦବ ।
