ରାସ୍ତାରେ ସ୍ତ୍ରୀଙ୍କୁ ଛୁରାମାଡ଼ କଲେ ସ୍ବାମୀ
ରାୟଗଡ଼ା: ଘରୋଇ କଳିକୁ କେନ୍ଦ୍ରକରି ଜଣେ ସ୍ବାମୀ ତାଙ୍କ ସ୍ତ୍ରୀଙ୍କୁ ବିଚ୍ ରାସ୍ତାରେ ଛୁରାମାଡ଼ କରି ଲହୁଲୁହାଣ କରିଦେଇଛନ୍ତି। ଏପରି ଘଟଣା ଦେଖିବାକୁ ମିଳିଛି ରାୟଗଡ଼ା ନଦୀସାହି ରାସ୍ତାରେ। ସ୍ତ୍ରୀ-ସ୍ବାମୀଙ୍କ ମଧ୍ୟରେ କୌଣସି କଥାକୁ ନେଇ ବଚସା ହୋଇଥିଲା। ଏହା ପରେ ରାସ୍ତାକୁ ଚାଲିଆସିଥିଲେ ସ୍ତ୍ରୀ। ସ୍ବାମୀ ଜଣକ ଉତ୍କ୍ଷିପ୍ତ ହୋଇ ରାସ୍ତା ମଝିରେ ତାଙ୍କୁ ଛୁରାମାଡ଼ କରିଥିଲେ। ଫଳରେ ମହିଳାଙ୍କ ପେଟ ଓ ହାତରେ ଗଭୀର ଆଘାତ ଲାଗିଛି। ସେ ମେଡିକାଲରେ ଭର୍ତ୍ତି ହୋଇଛନ୍ତି। ଅନ୍ୟପକ୍ଷରେ ଛୁରାମାଡ଼ କରି ସ୍ବାମୀ ଜଣକ କେଉଁଆଡ଼େ ଫେରାର ହୋଇଯାଇଛନ୍ତି।
