ଦୀପ ଲିଭିଲା ବେଳେ ଜୋର ଜଳେ:ଭର୍ତ୍ତୃହରି

ଭୁବନେଶ୍ୱର: ଦୀପ ଲିଭିଲା ବେଳେ ଜୋର ଜଳେ ବୋଲି ଆଜି ଭର୍ତ୍ତୃହରି ମହତାବ କହିଛନ୍ତି । ଆଜି କଟକ ଲୋକସଭା ଆସନ ପାଇଁ ନାମାଙ୍କନ ଦାଖଲ ପରେ ରାଜ୍ୟ ସରକାରଙ୍କୁ ଟାର୍ଗେଟ କରି ଶ୍ରୀ ମହତାବ ଏଭଳି କହିଛନ୍ତି । 

ଏହାଛଡ଼ା ସେ କହିଛନ୍ତି ଯେ ଓଡ଼ିଆ ଅସ୍ମିତା ଓ ସ୍ୱାଭିମାନ ପାଇଁ ଆମର ଏହି ଲଢେଇ । ବିଶେଷ କରି ନୂଆ ଭୋଟର ମୋଦୀଙ୍କ ପଦ୍ମ ଚିହ୍ନରେ ଭୋଟ ଦେବେ । ମୋଦୀ ବିଶ୍ୱରେ ଦେଶର ସମ୍ମାନ ବଢାଇଥିବାରୁ ଯୁବ ଭୋଟ ବିଜେପି ପ୍ରତି ଆକୃଷ୍ଟ ହୋଇଥିବା ଭର୍ତ୍ତୃହରି ମହତାବ କହିଛନ୍ତି ।